لیستی مووچەی مانگی 11 رەوانەی بەغدا کرا

KNN : Kurdish News Network
12:02 - 22/11/2026
ئابوری
+
-

تیمی تەکنیکیی وەزارەتی دارایی و ئابووریی هەرێمی کوردستان لیستی مووچەی مانگی تشرینی دووەم و ڕاپۆرتی تەرازووی پێداچوونەوەی مانگی تشرینی یەکەمی گەیاندە بەغدا و ڕادەستی فەرمانگەی ژمێریاریی وەزارەتی دارایی حکومەتی فیدراڵی کرد.

 

ڕاگەیاندنی وەزارەتی دارایی و ئابووریی هەرێمی کوردستان لە بەیاننامەیەکدا بڵاوی کردەوە، تیمی تەکنیکیی وەزارەتەکە بەرەبەیانی ئەمڕۆ یەکشەممە (22ی تشرینی دووەمی 2026) لیستی مووچەی مانگی تشرینی دووەمی فەرمانبەران و مووچەخۆرانی هەرێمی کوردستانی بەرەو بەغدا بردووە.

 

بەپێی بەیاننامەکە، هاوکات لەگەڵ لیستی مووچەدا، تیمەکە ڕاپۆرتی تەرازووی پێداچوونەوەی خەرجی و داهاتەکانی مانگی تشرینی یەکەمیشی لەگەڵ خۆیدا بردووە و هەردوو بەڵگەنامەکەی ڕادەستی فەرمانگەی ژمێریاریی وەزارەتی دارایی حکومەتی فیدراڵ کردووە.

153 جار خوێندراوەتەوە