محەمەد ڕەزا عارف، جێگری سەرۆککۆماری ئێران ڕایگەیاند، تاوانە نوێیەکانی ئەمەریکا دژ بە گەلی ئێران، هاوکێشە ئەمنییەکان و بنەماکانی بەرگریی وڵاتەکەیانی گۆڕیوە و هۆشداریش دەدات لەوەی کە "مانگی تاریک چاوەڕوانی ئابووریی ئەمەریکا دەکات".

جێگری سەرۆککۆماری ئێران لە هەژماری تایبەتی خۆی لە تۆڕی کۆمەڵایەتیی ئیکس (تویتەر) بڵاویکردەوە، لەمەودوا وەڵامدانەوەکانی تاران بۆ ئەمەریکا "ناهاوسەنگ" و "فرەڕەهەند" دەبێت و ئاسایش لە دەستدرێژیکاران دەسەننەوە.

ئاماژەی بەوەش کردووە، پێویستە ئەمەریکییەکان لە ئێستاوە بیر لە کۆگاکردنی بەنزین و سووتەمەنی بکەنەوە، چونکە چەندین مانگی تاریک چاوەڕوانی ئابووریی ئەمەریکا دەکات.