سەرۆک وەزیرانی ئیسرائیل ڕایدەگەیەنێت، ئەو باجەی کۆماری ئیسلامیی ئێران تا ئێستا داویەتی زۆر قورسە، جەختیش دەکاتەوە کە پایەکانی ڕژێمی ئێران درزیان بردووە و لە کۆتاییدا دەڕووخێت.

بنیامین نەتانیاهۆ، سەرۆک وەزیرانی ئیسرائیل لە لێدوانێکدا ئاماژەی بەوە کرد، ڕژێمی ئێران هەرگیز وەک پێشتری لێ نایەتەوە بەهۆی ئەو بارودۆخەی تێیکەوتووە.

ڕاشیگەیاند: "ئەو باجەی ئێران تا ئێستا داویەتی زۆر قورسە، بنەماکانی ڕژێمی ئێران درزیان بردووە و وەک پێشتریان لێ نایەتەوە و لە کۆتاییدا دەڕووخێت."