بەڕێوەبەرایەتی پۆلیسی پارێزگای سلێمانی ڕایگەیاند، هێزەکانی بنکەی پۆلیسی سەیوان ژن و پیاوێکیان دەستگیرکردووە کە ئازاری جەستەیی دوو منداڵی خۆیان داوە. منداڵەکان تەمەنیان 4 ساڵ و 8 ساڵە و شوێنەواری لێدان و ئازار بە جەستەیانەوە دیار بووە

پۆلیس ئاشکرای کردووە کە تۆمەتبار (ع، م، م) لەدایکبووی 1992 کە باوکی منداڵەکانە، لەگەڵ هاوسەرەکەی بەناوی (س، س، ع) لەدایکبووی 2001 کە باوەژنی منداڵەکانە و بە ڕەگەز عەرەبن، دوای وەرگرتنی بڕیاری دادوەر دەستگیرکراون

لە ئێستادا باوکی منداڵەکان بەپێی ماددەی (29) لە یاسای چاودێری نەوجەوانان ڕاگیراوە، و ژنەکەش بە دەستەبەری دارایی ئازاد کراوە، بەڵام لێکۆڵینەوە لەگەڵیاندا بەردەوامە. سەبارەت بە چارەنووسی منداڵەکانیش، پۆلیس ڕایگەیاند کە دوای وەرگرتنی چارەسەری پزیشکی، بە بڕیاری دادوەر سپێردراون بە خانەی بێسەرپەرشتان