بارەگای ناوەندیی "خاتم الأنبياء"ی ئێرانی هۆشدارییەکی توند دەداتە ئەمریکا و ئیسرائیل و ڕایدەگەیەنێت، بەهۆی پێشێلکردنی بەردەوامی بەڵێنەکان لەلایەن دوژمنانەوە، دەستیان لەسەر پەلەپیتکەیە. ئاماژە بەوەش دەکەن کە ئەگەر هێرشەکان بۆ سەر لوبنان و حزبوڵا بەردەوام بن، وەڵامێکی بەژان و کاریگەریان دەبێت

بارەگاکە لە بەیاننامەیەکدا جەختی کردەوە، لە ئەگەری بەردەوامبوونی هێرشەکانی ئیسرائیل بۆ سەر گەلی لوبنان و بەتایبەت ناوچەی "زاحیەی باشوور"، وەڵامی توندیان دەبێت و دەستەوەستان نابن. هاوکات ئاماژەیان بەوە کردووە کە دەستپێشخەریی کۆنترۆڵکردنی "تەنگەی هورمز" لەدەستی ئەواندا دەمێنێتەوە و هەرگیز لە مافە ڕەواکانی خۆیان خۆشن نابن

لە بەشێکی تری هۆشدارییەکەدا هاتووە، ئەو دەستدرێژیکارانەی هێرشیان کردووەتە سەر خاکی ئێران بێ وەڵام جێناهێڵدرێن و پرۆسەی بەڕێوەبردنی تەنگەی هورمز دەچێتە قۆناغێکی نوێوە، ئەمەش وەک ئاماژەیەک بۆ ئەگەری توندکردنی ڕێوشوێنەکان لەو رێڕەوە ئاوییە ستراتیژییەدا.