کەیتی میڵەر، چاودێری سیاسی لە ئەمریکا لە چاوپێکەوتنێکدا ڕایگەیاند، ئیدارەی داهاتووی ئەمریکا بە سەرۆکایەتی دۆناڵد ترەمپ و بە هاوکاریی مارکۆ ڕوبیۆ، وەزیری دەرەوەی دەستنیشانکراو، کاردەکەن بۆ هەڵوەشاندنەوەی ڤیزای نزیکەی سێ بۆ چوار هەزار کەس لە نوخبەی ئێرانی و کەسوکاری بەرپرسانی باڵای تاران کە لە ئەمریکا نیشتەجێن

میڵەر ئاماژەی بەوە کرد، جێگەی سەرنجە کە کەسە نزیکەکانی بەرپرسانی ئێران، لەوانە برازای خامنەیی و برازای ڕۆحانی ، لە ئەمریکا و وڵاتانی ئەوروپا بە سەلامەتی دەژین و چێژ لە خۆشگوزەرانی وەردەگرن، لە کاتێکدا حکومەتەکەیان دژایەتی ئەو وڵاتانە دەکات

ڕاشیگەیاند، ئەم هەنگاوە بۆ کۆتاییهێنانە بەم "دووفاقی و دووڕووییە" سیاسییە و ڕێگریکردنە لەو کەسانەی لە لایەک دژایەتی ئەمریکا دەکەن و لە لایەکی ترەوە لە ناو خاکی ئەو وڵاتەدا نیشتەجێن.