بە وتەی شارەزایەکی کەشناسی لە مانگی نیسان و سەرەتای ئایار دوو شەپۆلی بارانی بەهێز و تەرزە هەڕێمی کوردستان دەگرنەوە و مەترسی لافاویش هەیە.

پشتیوان پێنجوێنی، شارەزای کەشناسی رایگەیاند: لە رۆژی 4-4 تاوەکو 10-4-2026، حاڵەتێکی ناسەقامگیری کەشوهەوا بەردەوام دەبێت. لە کاتەکانی نیوەڕۆ بۆ ئێوارە، ئاسمان دەگۆڕێت بۆ هەوری تەواو و لە ناوچە شاخاوییەکان و ناوچە جیاجیاکانی دیکە تاوە بارانی بەخوڕی کورتخایەن، هەورەگرمە، هەورەبروسکە و تەرزە دەبارێت.

باسی لەوەشکرد: لە رۆژانی 10-15ی نیسان هەرێمی کوردستان دەکەوێتە ژێر کاریگەری شەپۆلێکی گەرماوە و لە رۆژی 20-ی نیسان بۆ 10-ی ئایارماوەیەکی باشی بارانبارین دەستپێدەکات.

روونیشیکردووەتەوە: لە زۆربەی ناوچەکانی هەرێمی کوردستان بارانی باش و تەرزە دەبارێت، بەهۆی کاریگەری ئەم شەپۆلەشەوە لە هەندێک ناوچە مەترسی ڕوودانی لافاو هەیە.