سوپای پاسدارانی ئێران هەڕەشەی ڕاستەوخۆ لە کۆمپانیا تەکنەلۆژییەکانی ئەمریکا لە ناوچەکەدا دەکات و وەزیری جەنگی ئەمریکاش دووپاتی دەکاتەوە کە زۆربەی تواناکانی ئێران تێکشکێنراون.

هەواڵ: KNN

سوپای پاسدارانی ئێران لە پەیامێکی تونددا ڕایگەیاند، لە سبەی چوارشەممە (١ی نیسان)ـەوە، تەواوی ئەو کۆمپانیا ئەمریکییانەی لە بوارەکانی تەکنەلۆژیای زانیاری (IT)، پەیوەندییەکان و ژیریی دەستکرد (AI) لە ناوچەکەدا کار دەکەن، دەبنە ئامانجی سەربازی. تاران داوای چۆڵکردنی بەپەلەی ئەو کۆمپانیایانە دەکات و ڕایگەیاندووە: "هەر کۆمپانیایەک هاوکاری لە پڕۆسەی کردنه ئامانجی سەرکردەکانی ئێران بکات، باجی قورس دەدات."

لەلایەکی ترەوە، پیت هێگسیس، وەزیری جەنگی ئەمریکا، گەشبینی خۆی نیشان دا و ڕایگەیاند کە چەند ڕۆژی داهاتوو یەکلاکەرەوە دەبن. هێگسیس ئاشکرای کرد کە زۆرینەی جبەخانە مووشەکییەکانی ئێران، تەنانەت ئەوانەشی لە ناو قووڵایی ئەشکەوتەکاندان،

لەناو براون.

وەزیری جەنگی ئەمریکا وتیشی: "شەڕەکە تەنیا چەند هەفتەیەکی تر دەخایەنێت. هێرشە مووشەکییەکانی ئێران بەهۆی لەناوبردنی سەکۆکانیانەوە کەمی کردووە." ناوبراو هۆشدارییەکی توندیشی ئاراستەی تاران کرد و وتی: "دەبێت سەرکردە نوێیەکانی ئێران عاقڵتر بن، چونکە سەرۆک ترەمپ لەم ململانێیەدا گاڵتە ناکات."