ئێران: گەرووی هورمز بەڕووی هەموو کەشتییەکدا کراوەیە جگە لە دوژمنەکان

عەلی موسەوی، نوێنەری ئێران لە ڕێکخراوی دەریایی نێودەوڵەتی ڕایگەیاند، گەرووی هورمز بەڕووی هاتوچۆی سەرجەم کەشتییەکاندا کراوەیە و تەنها ڕێگری لەو کەشتییانە دەکرێت کە وەک "دوژمن" پۆلێن کراون. ئاماژەی بەوەش کرد، پاراستنی ئاسایشی گەرووەکە و سەلامەتی ئەو کەشتیانەی دەیانەوێت تێپەڕببن بەستراوەتەوە بە هەماهەنگی لەگەڵ کۆماری ئیسلامیی ئێران

موسەوی دەشڵێت کەشتییەکان بەپێی ڕێکار و ڕێکخستنە ئەمنییەکان دەتوانن لەو ڕێڕەوە ئاوییە تێپەڕن، بە مەرجێک پابەندییە نێودەوڵەتییەکان لەگەڵ پاراستنی سەروەریی خاکی ئێران و مافە یاساییەکانی تاراندا یەکانگیر بن

نوێنەرەکەی ئێران ئامادەیی وڵاتەکەی بۆ هاوکاری لەگەڵ ڕێکخراوە نێودەوڵەتییەکان و وڵاتانی دیکە دەربڕی بە مەبەستی باشترکردنی سەلامەتی دەریایی