بارانبارین بەردەوام دەبێت و لە ناوچەشاخاوییەکانیش بەفردەبارێت و پلەکانی گەرماش بەرەو بەرزبوونەوە دەچن.

هەواڵ:KNNC

کەشناسیی عێراق پێشبینییەکانی کەشوهەوای بڵاوکردەوە و ڕایگەیاند: تا ڕۆژی چوارشەممە واتا سێ ڕۆژی دیکە بارانبارین بەردەوام دەبێت و لەگەڵ ئەوەشدا پلەکانی گەرما لە بەرزبوونەوەدا دەبن.

بەپێی پێشبینییەکانی کەشناسیی هەرێمی کوردستانیش هاوتای بارانبارین، لە ناوچە شاخاویی و سنورییەکانیش بەفربارینێکی کەم دەبێت.

ئاماژەی بەوەشکردوە کاریگەری شەپۆلی بارانبارین لەسەر ناوچەکەمان بۆ سبەی دووشەممە زیاد دەکات و لە سەرتاسەریی ناوچەکەمان باران دەبارێت، هەروەها ڕێژەی دابارین لە سنوری سۆران و ڕاپەڕین و زاخۆ، زیاتر دەبێت باران بە شێوەی بارانی مامناوەند و هەندێ کات لێزمەباران دەبێت، لە دهۆکیش ئەگەری بارانبارینی بەلێزمەی هەیە، لە  هەولێر و سلێمانی و کەرکوک و هەڵەبجەش باران لەسەرخۆ و نمەبارانی پچڕپچڕی دەبێت و هەورەبروسکەشی لەگەڵ دەبێت،

لەگەڵ ئەوەشدا لە ناوچەسنوریی و شاخاوییەکان بەفر دەبارێت و پێشبینیش دەکرێت خێرایی با زیاد بکات و ڕەشەبا دروستببێت.

هاوکات بەرزترین پلەکانی گەرما لەنێوان 5 بۆ 13 پلەی سیلیزییدا دەبن...