عەراقچی: یۆرانیۆم لە ئێران ناچێتە دەرەوە و پیتاندنی پەیوەستە بە پێویستییەکانمانەوە

KNN : Kurdish News Network
11:18 - 07/02/2026
کوردستان
+
-

عەباس عەراقچی دەڵێت دانوستانەکان ناڕاستەوخۆبوون و پەیوەستبوون بە پرسی ئەتۆم، پیتاندنی یۆرانیۆم مافی ئێرانە و سفرکردنەوەی لە دەرەوەی دانوستانەکاندایە، خوازیاریشن متمانە لەنێوان تاران و واشنتن دروستببێت لە دانوستانەکاندا و سازش لەسەر هیچ شتێک ناکەن.

 

هەواڵ:KNNC

عەباس عەراقچی وەزیری دەرەوەی ئێران لە نوێترین لێدوانیدا لەبارەی دانوستانەکانی نێوان ئێران و ئەمەریکا ڕایگەیاند: دانوستانەکان ناڕاستەوخۆبوون و تەنها پرسی ئەتۆم تاوتوێکرا.

 

وتیشی، پیتاندنی یۆرانیۆم مافێکی ڕەوایە و سفرەکردنەوەی توانای پیتاندن و دەوڵەمەندکردن لە دەرەوەی دانوستانەکاندایە، ئەوان لەڕێگەی بۆردومانەوە نەیانتوانی تواناکانی ئێران لەناوبەرن و دانوستانیش هەروادەبێت و واشنتن دانی بەوەداناوە کە بەڕێگەی سەربازیی بۆی چارەسەرنەکراوە و دەبێت بە دانوستان چارەسەر بکرێت.

عەراقچی جەختی لەوەکردەوە کە دەستبەرداری پرسی ئەتۆم نابن و ڕاددەی پیتاندنی یۆرانیۆمیش بەندە بە پێویستییەکانی ئێرانەوە و هیچ یۆرانیۆمێکی پیتێندراویش لە ئێران ناچێتە دەرەوە،

 

لەبارەی بابەتی موشەکیشەوە وتی بابەتی موشەک پرسی بەرگرییە و دانوستانی لەسەر ناکرێت.

 

عەباس عەراقچی وتیشی دانوستانەکان سەرەتایەکی باشن، لەگەڵ ئەوەشدا ڕێگەیەکی دوورودرێژیان لەپێشە تا متمانە لەنێوان تاران و واشنتدا دروستببێت.

225 جار خوێندراوەتەوە