تووتڕك وه‌ك یه‌كێك له‌میوه‌ به‌سووده‌كان به‌پارێزه‌ری له‌ش داده‌نرێن له‌به‌رامبه‌ر نه‌خۆشییه‌ درێژخایان و ده‌بێته‌ به‌هێزكردنی سیستمی به‌رگری .

هەواڵ:KNNC 

به‌پێی توێژینه‌وه‌ نوێیه‌كان بوونی مادده‌ی پرۆئانتۆسیاندین له‌تووتڕكدا كه‌وه‌ك به‌ربه‌ستێك كارده‌كات له‌وه‌ی به‌كتریا به‌دیواره‌كانی بۆری میزه‌وه‌ بلكێن ، ئه‌مه‌ جگه‌ له‌وه‌ی ئه‌م میوه‌یه‌ ده‌وڵه‌مه‌نده‌ به‌ دژه‌ ئۆكسێنه‌رو ده‌بێته‌ پاراستنی خانه‌كانی له‌ش و له‌تێكچون

ده‌یانپارێزێت و كۆلیسترۆڵی خراپی جۆری) (LDL داده‌به‌زێنێت و جۆره‌ باشه‌كه‌ی (HDL) به‌رز ده‌كاته‌وه و به‌وه‌ش رۆڵی ده‌بێت له‌پاراستنی مرۆڤ له‌جه‌ڵته.

یه‌كێكی تر له‌سوده‌كانی خواردنی ئه‌م میوه‌یه‌ ئه‌گه‌ری توشبون به‌شێرپه‌نجه‌ی گه‌ده‌ كه‌مده‌كاته‌وه‌ و جه‌ختیش له‌وه‌كراوه‌ته‌وه‌ ، كه‌ تووتڕك ده‌وڵه‌مه‌نده‌ به‌ڤیتامینه‌كانی وه‌ك  (C) و (E)، کارۆتینۆید و ئاسن و ئه‌مانه‌ش سیستمی به‌رگری له‌ش به‌هێز ده‌كه‌ن .
به‌پێی ئه‌و راپۆرته‌ی كه‌ گۆڤاری (Nutrients) بڵاویکردە؛ توێژەرانی زانکۆکانی ئیتاڵیا لە میلانۆ و پاڤیا دوای پێداچوونەوە بە 19 توێژینەوەی زانستی، لەوانەش تاقیکردنەوەی کلینیکی لەسەر ئاژەڵ و مۆدێلی خانەکانی مرۆڤ گەیشتوونەتە ئەم ئەنجامانە.:

-شانەکانی ئێسک لە فشاری هەوکردن و ئۆکساندن دەپارێزێت.

-توانای جەستە بۆ هەڵمژینی ماددە خۆراکیەکان باشتر دەکات.

-زیاتر خواردنی ئەنتۆسیانین، ئەو پێکهاتانەی لە تووتڕكدا هەیە، چڕی کانزاکانی ئێسک زیاد و بەهێز دەکات.