ئەمڕۆ دوا وادەیە بۆ ڕاییکردنی مامەڵەی حاجییان و گەشتەکانی وەرزی حەجیش بە ڕێگەی ئاسمانیی دەبن.


هەواڵ:KNNC

کاروان ستونی ووتەبێژی فەرمی حەج و عومڕەی کوردستان رایگەیاند: به‌ پێی بەپیێ وادەی دیاریکراو، ئەمڕۆ دووشەممە، كۆتا ڕۆژی وه‌رگرتنی مامه‌ڵه‌ی حاجیان ده‌بێت و هه‌ركه‌سێک دوا بكه‌وێت ئه‌وا خۆی به‌رپرسیار ده‌بێت و جێگرەوە لە شوێنیان دادەنرێت.

ئاماژەی بەوەشدا کە له‌ ڕێگه‌ی نووسینگه‌كانی حه‌ج و عومڕه‌ له‌ پارێزگا و ئیداره‌ سه‌ربه‌خۆكانه‌وه‌ په‌یوه‌ندییان به‌ هه‌موو ئه‌و كه‌سانه‌ كردووه‌ كه‌ ناویان بۆ وەرزی حه‌جی 2026 گه‌ڕاوه‌ته‌وه‌ تاوه‌كو مامه‌ڵه‌كانیان ته‌واو بكه‌ن.

وتەبێژی فەرمی حەج و عومڕەی کوردستان باسی له‌وەش‌ كرد ئه‌گه‌رچی بڕیاربوو كه‌ له‌ 27/11/2025 دوا واده‌ی وه‌رگرتنی مامه‌ڵه‌ی حاجیان بێت به‌ڵام به‌ فه‌رمانی وه‌زیری ئه‌وقاف و كاروباری ئایینی وه‌كو هاوكاریی بۆ ئه‌و كه‌سانه‌ی كه‌ ناویان گه‌ڕاوه‌ته‌وه‌ تاوه‌كو 4/12/2025 واده‌كه‌ درێژ كرایه‌وه‌ و دواتریش بۆ هەمان مەبەست و بۆ جاری دووهەم تا ڕۆژی دووشەممە کە ئەمڕۆیە وادەکە درێژ کرایەوە.

وتیشی بەپێی فەرمانی وەرزی هەر کەسێک تاوەکوو سبەی سەردان نەکات یەدەگەکان واتە جێگرەوەوە بە پێی ڕێزبەندی و پولینەکان لە جێگەیان دادەنرێت.

بۆ ئەمساڵ 1950 کەس وەک جێگرەوە بۆ حەج ناویان تۆمارکراوە و پێنج هەزار و 120 کەسیش دەچنە حەج، نرخی تێچووی حەجی ئەمسآڵ 7 ملیۆن و 100 هەزار دینارە بە رێگەی ئاسمان و ئەمساڵ بە  رێگەی وشکانی حەج ئەنجام نادرێت.