بانكی گۆڵدمان ساكس له‌راپرسییه‌كیدا گه‌یشتوه‌ته‌ ئه‌و ده‌رئه‌نجامه‌ی كه‌ زۆربه‌ی وه‌به‌رهێنه‌ران پێشبینی ده‌كه‌ن نرخی ئۆنسه‌یه‌ك زێڕ تاوه‌كو كۆتایی ساڵی 2026 بگاته‌ پێنج هه‌زار دۆلار.

هەواڵ: KNN

 به‌پێی راپرسییه‌كه‌ كه‌تیایدا به‌سه‌دان وه‌به‌رهێنه‌ری دامه‌زراوه‌یی به‌شداربوون، له‌ 36%ـی یان کە زۆرترین رێژەیە، پێشبینی دەکەن زێڕ نرخی به ‌به‌رزی بمێنێته‌وه‌ و تاوەکو کۆتایی ساڵی داهاتوو بگاته‌ پێنج هه‌زارو سه‌روتریش ، به‌پێی هه‌مان راپرسی له‌ 33%ـی دیکەی بەشداربووان پێشبینی دەکەن نرخەکەی لەنێوان 4500 بۆ 5000 دۆلار جێگیر بێت و له‌هه‌مان كاتیشدا له‌ 5%  به‌شدار بووان  پێشبینی ئه‌وه‌یانكردوه‌ نرخی زێڕ  لە  مانگی 12 بۆ خوار چوار هه‌زار دۆلار دابەزێت.

هاوكات له‌ 38%ـی بەشداربووان به‌رزبونه‌وه‌ی نرخی زێڕ بۆ کڕینی لەلایەن بانکە ناوەندییەکان له‌ 27%ـشیان هۆکارەکەی بۆ نیگەرانییە داراییەکان دەگەڕێننەوە.