وەزارەتی دەرەوەی ئەمەریکا  له‌راگه‌یه‌نراوێكیدا بڵاویكردوه‌ته‌وه‌، مایکڵ ڕیگاس، جێگری وەزیری دەرەوەی ئەمەریکا بۆ کاروباری بەڕێوەبردن و سەرچاوەکان له‌میانه‌ی سه‌ردانێكی بۆ خۆرهه‌ڵاتی ناوه‌ڕاست  بۆ کردنەوەی کونسوڵخانەی گشتیی وڵاته‌كه‌ی سەردانی هەولێر دەکات.

هەواڵ: KNNC

ئاماژه‌ به‌وه‌شكراوه‌ ناوبراو له‌ماوه‌ی نێوان 27ی ئەم مانگە تا 5ی کانوونی دووەم سەردانی تورکیا، عێراق، هەرێمی کوردستان و ئیسرائیل دەکات و له‌به‌غداش لەگەڵ بەرپرسانی عێراق کۆدەبێتەوە.

باس له‌وه‌شكراوه‌ كه‌ له‌و سه‌ردانه‌یدا بۆ عیراق  دامەزراوە دیپلۆماسییەکانی ئەمریکا  به‌سه‌رده‌كاته‌وه‌و له‌كردنه‌وه‌ی کونسوڵخانەی گشتی نوێ لە هەولێر به‌شدار ده‌بێت.

لایخۆشیه‌وه‌ ماڵپه‌ڕی ( (the new regionبڵاویكردوه‌ته‌وه‌ كه‌ له‌وگه‌شته‌یدا بۆ ناوچه‌كه‌جێگری وەزیری  ده‌ره‌وه‌ی ئه‌مریكا  جەخت لەسەر پابەندبوونی ئەمریکا دەکاتەوە بۆ پێشخستنی سەقامگیری، ئاسایش،ئازادی ئایینی و خۆشگوزەرانی لە سەرانسەری ناوچەکەدا.

ئاماژه‌ به‌وه‌شكراوه‌  كه‌ کونسوڵخانەی گشتی نوێی ئەمریکا له‌هه‌ولێر ده‌بێته‌  گەورەترین کونسوڵخانەی واشنتۆن لە جیهاندا کەبڕی 800 ملیۆن دۆلاری تێچووە.