عه‌باس موسه‌وی راوێژكاری نوری مالكی سه‌رۆكی هاوپه‌یمانیی ده‌وڵه‌تی یاسا به‌میدیاكانی عێراقی راگه‌یاند؛ سبه‌ی شه‌ممه‌ مالكی سه‌ردانی هه‌ولێر ده‌كات و له‌گه‌ڵ مه‌سعود بارزانی سه‌رۆكی پارتی و به‌رپرسانی تری هه‌رێم كۆده‌بێته‌وه‌.

هەواڵ:KNNC

به‌وته‌ی موسه‌وی په‌یوه‌ندییه‌كانی نێوان هه‌رێم و به‌غدا له‌ماوه‌ی سێ ساڵی رابردودا به‌ره‌و باشبون چوه‌و هه‌ردولاش له‌سه‌ر ژماره‌یه‌ك دۆسێ رێككه‌وتون و چه‌ند پرسێكی تریش ماون كه‌ گفتوگۆیان له‌سه‌ر ده‌كرێت له‌وانه‌ موچه‌ی فه‌رمانبه‌رانی هه‌رێم و یاسای نه‌وت و غاز.

دوپاتیشیكرده‌وه‌ كه‌ به‌م نزیكانه‌ شاندێكی هه‌رێمی كوردستانیش سه‌ردانی به‌غدا ده‌كه‌ن بۆ ده‌ستپێكردنی دانوستانی نێوانیان .