نێردەی تایبەتی ئەمریکا بۆ عێراق دەڵێت، رێگە بە هیچ لایەنێکی
دەرەکی نادرێت دەستوەردان له‌پێكهێنانی كابینه‌ی نوێی حكومه‌تی ئه‌م وڵاته بكرێت.
هەواڵ:KNNC
مارک ساڤایا، نێردەی تایبەتی ئەمریکا بۆ عێراق لە پۆستێکی تۆڕی
کۆمەڵایەتیی ئێکس دا ده‌ڵێت: به‌نیازم لە
ماوەیەکی نزیکدا سەردانی عێراق بکەم و لەگەڵ سەرکردە سەرەکییەکانی کۆببمەوە.
دەشڵێت، "عێراق لە سێ ساڵی رابردوودا پێشکەوتنی بەرچاوی
بەدەستهێناوە و هیوادارین لە مانگەکانی داهاتوودا بەردەوامبین لە بینینی ئەو
پێشكەوتنە.
به‌وته‌ی ساڤایا واشنتۆن لە نزیکەوە چاودێریی پڕۆسەی پێکهێنانی
حکومەتی نوێ دەکات و ئه‌وه‌ش با بۆ هه‌موو لایه‌ك روون بێت وڵاته‌كه‌ی رێگە نادات
هیچ دەستوەردانێکی دەرەکی لە پێکهێنانی كابینه‌ی نوێی حكومه‌تی عیراقیدا بكرێت.
76 جار خوێندراوەتەوە