پسپۆڕێكی ئابوریی عێراقی ده‌ڵێت؛بڕی ئه‌و بودجه‌یه‌ی كه‌ مانگانه‌ بۆ موچه‌ پێویسته‌ زیاتر له‌ هه‌شت تریلیۆن دیناره‌و ئه‌وه‌ش به‌ داهاتی نه‌وت ده‌ستبه‌رناكرێت.

هەواڵ:KNNC

ره‌شید ساعدی ، له‌لێدوانێكی رۆژنامه‌وانیدا رایگه‌یاند: پشتبەستن بە داهاتی نەوت بەس نییە بۆ دابینکردنی خەرجییەکانی ئێستا، بەتایبەتی بە لەبەرچاوگرتنی ناجێگیری بازاڕە جیهانییەکان و بەرزبوونەوەی تێچووی پاڵپشتیی کۆمەڵایەتی بۆیه‌ عیراق پێویستی به‌قه‌رزكردن ده‌بێت.

 به‌وته‌ی ساعدی حکومەت ڕووبەڕووی پابەندبوونێکی حەتمی دەبێتەوە له‌وانه‌: مووچە، خانەنشینی، بیمه‌ی کۆمەڵایەتی، یارمەتییەکانی خۆراک و خەرجییە سەرەکییەکانی ئاسایش و وزە و ئەمەش وا دەکات قەرزکردن - ئەگەر بە پلانی چاکسازی بەڕێوە نەچێت - لە ڕووی سیاسی و ئابوورییەوە بژاردەو تێچووی زۆر بێت.

بڕی ئه‌و قه‌رزه‌ ده‌ره‌كییه‌ی  كه‌ له‌سه‌ر عێراق كه‌ڵه‌كه‌ بوون وه‌ك وه‌زاره‌تی دارایی ئاماژه‌ی پێكردوه‌ 43ملیار دۆلاره‌ له‌كاتێكدا بانکی ناوەندی ئامارێکی تەواو جیاوازی بڵاوکردەوە و ده‌ڵێت قه‌رزه‌كه‌ بڕی  54.957 ملیار دۆلار.