دەمیرتاش دەڵێت بە سەربەرزییەوە چووەتە زیندان و مانەوە و دەرچوونیشی لە زیندان بە شکۆوە دەبێت.

هەواڵ:KNNC

سەڵاحەدین دەمیرتاش هاوسەرۆکی پێشوتەری هەدەپە و سەرکردەی دیاری کورد، لە زیندانی ئەدیرنەوە پەیامێکی نوسراوی بڵاوکردەوەو بە نیگەرانییەوە ڕایگەیاندوە: قسەی کەسانێک لەبارەی ئازادکردنیی زۆر ئازاری دەدەن کە بیروباوەڕی خۆیان بەسەر ئەودا دەسەپێنن و لێکدانەوەی بۆ دەکەن.

دەمیرتاش وتویەتی: "ئەوەی زۆر ئازارم دەدات ئەوەیە کە قسەو بیروڕا دەخەنە سەر ناوی من بەبێ ئەوەی ئاماژە بەو قسەناش بدەم کە بە ناوی منەوە دەیکەن و بڵاوی دەکەنەوە".

سەڵاحەدین دەمیرتاش وتویەتی، "پێویستە هەمووان بزانن و دڵنیابن، من بەڕێز و بە سەربەرزییەوە هاتمە ئێرە، ڕێز و شکۆی خۆمم نەشکاندووە و دیسانەوە بە سەربەرزیی دەمێنمەوە، بەشکۆوە لێرە دەردەچم یان تا دواڕۆژی ژیانم لێرە دەمێنمەوە".

سەرکردە کوردەکە لە بەشێکی قسەکانیدا وتویەتی، 9 ساڵ لە زیندان ناخۆشیی زۆری بینیوە، بەڵام "دورکەوتنەوە لەخەباتی ئازادیی، دیموکراسیی و ئاشتیی گەل، لە بەرامبەر هەموو ناخۆشییەکاندا هێزی بەرگریی و ئیرادەیەکی پۆڵایینی پێدەبەخشێت"...