بزوتنەوەی حەمماس بڕیارنامەی ئەنجومەنی ئاساییش بە دابڕینی غەززە لە فەڵەستین ناودەبات ڕەتی دەکاتەوە پابەندی خواستەکانی داگیرکەر ببێت.


هەواڵ:KNNC


بزوتنەوەی حەمماس لە ڕاگەیەندراوێکدا ڕایگەیاند: سەرباری بڕیارەکانی دۆناڵد ترەمپ، بریاری ئەنجومەنی ئاساییش لەبارەی غەززە واتای دابڕینی کەرتەکەیە لە فەڵەستین واتای لەبەرچاونەگرتنی مافی مرۆیی نیشتیمانی ئەو خەڵکەیە کە دوو ساڵە بەرگەی هەموو جۆرە قڕکردن و کۆمەڵکوژییەکی گرتوە.

بزوتنەوەکە ئاماژەی بەوەشداوە، بڕیارنامەکە میکانیزمێکی ئەمینداری نێودەوڵەتی بەسەر کەرتی غەززەدا دەسەپینێت و هاوکاریی ئیسرائیل دەکات لە گەیشتن بەو ئامانجانەی کە بە شەڕ نەیتوانی بەدەستی بهێنێت، بەوەس گەلی فەڵەستین لە مافی چارەی خۆنوسین و بە پایتەختکردنی قودس دادەبڕێت.

حەماس جەختی لە بەرگریی کردوەتەوە و وتویەتی، بەرەنگاربوونەوەی داگیرکاری بە هەموو شێوەیەک مافێکی ڕەوایە کە یاسا و ڕێکەوتننامە نێودەوڵەتییەکان ڕێگەیان پێداوە، بەرخۆدان کاردانەوەی داگیرکارییە، دەبێت دەوڵەتی فەڵيستینیش وەک بابەتێکی نیشیمانیی لەبابەتی چەکدادان بڕوانێت، جێگیرکردنی هێز لە غەززە بۆ چەکداماڵین وا دەکات ئەو هێزە بێلایەن نەمێنێتەوە و لە داهاتوودا ببنە بەشێک لە ململانێکان.



بڕیارنامەکەی ئەنجومەنی ئاسایشی لەلایەن ئەمریکاوە داڕێژراوە و پشتگیری لە پلانی دۆناڵد ترەمپ دەکات بۆ کۆتاییهێنان بە شەڕی غەززە و ڕێگەدان بە جێگیرکردنی هێزێکی سەقامگیریی نێودەوڵەتیی بۆ خاکی فەڵەستین...