ئاژانسی ئه‌نادۆڵی توركی بڵاویكرده‌وه‌؛ لە هه‌ڵمه‌تێكدا كه‌ ئەمڕۆ لە ئیستانبوڵ له‌دژی  تیرۆریستانی داعش به‌ڕێوه‌چوو ، 21 گومانلێکراو دەستگیرکراون، کە تۆمەتبارن پروپاگه‌نده‌كردن و بەکارهێنانی ئەپلیکەیشن بۆ پەیوەندییەکانی نێو رێكخراوه‌كه‌یان.

هەواڵ:KNNC

ئاماژه‌ به‌وه‌كراوه‌ كه‌ به‌ فەرمانی داواکاری گشتیی، بەرەبەیانی ئەمڕۆ دووشەممە،هێزە ئەمنییەکانی توركیا  بە بەشداریی تیمی تایبەت، هەڵیانکوتاوه‌ته‌ سەر چەندان شوێن و سه‌رئه‌نجام  21 گومانلێکراو دەستگیركراون.

جه‌ختیش له‌وه‌كراوه‌ته‌وه‌ كه‌ له‌كاتی پشكنینی شوینه‌كان ده‌ست به‌سه‌رئامێرو كه‌ره‌سته‌ی دیجیتاڵی و ئاڵای داعش و چه‌ند خه‌نجه‌رێكدا گیراوه‌.