ئەمڕۆ چوارشەممە ، عیرفان سدیق باڵیۆزی بەریتانیا لە عێراق،  لەبارەی تیرۆرکردنی سەفا مەشهەدانی، ئەندامی ئەنجومەنی پارێزگای بەغدا و کاندیدی هەڵبژاردنی داهاتووی پەرلەمانی عێراق، داوای کرد تاوانباران "بەخێرایی" لێپرسینەوەیان لەگەڵدا بکرێت.

هەواڵ:KNNC

بەگوێرەی راگەیەنراوێك كە لەلایەن باڵیۆزخانەكە بڵاویکردۆتەوە ؛ جەختكراوەتەوە توندوتیژی بەرامبەر بە کاندیدە سیاسییەکان زیان بە دیموکراسی عێراق دەگەیەنێت، پێویستە بەخێرایی لێپرسینەوە لە ئەنجامدەرانی تیرۆرکردنی سەفا مەشهەدانی بکرێت".

ئاماژەی بەوەشکراوە ، ئەوەی ئێستا عێراق پێویستی پێیەتی سەقامگیری و بەرەوپێشچونی ئاشتیانەیە بەرەو هەڵبژاردنەکان و لەهەمان كاتیشدا پرسەو سەرەخۆشی ئاراستەی بنەماڵەی سەفا مەشهەدانی  كراوە .

لە کۆتاییدا وتی: ئێمە لەگەڵ سەرکردەکانی عێراق وەستاوین لە ئیدانەکردنی ئەم توندوتیژییە.