سەفا مەشهەدانەی ئەندامی ئەنجومەنی پارێزگای بەغداد و کاندیدی هاوپەیمانی سیادە، بۆمبێکی  چێندراو بە ئۆتۆمبێلەکەیدا تەقییەوە و گیانی لەدەستدا.

هەواڵ:KNNC

 
بەرەبەیانی ئەمڕۆ چوارشەممە، لە ناوجەی تارمییە لە باکوری ىەغداد بۆمبی چێندراو بە ئۆتۆمبێلی یەکێک لە کاندیدەکان بەناوی سەفا مەشهەدانەی بۆ پەرلەمانی عێراق تەقییەوە و بە گوێرەی زانیارییەکان گیانی لەدەستداوە.

ئەم روداوی کوشتنی کاندیدە لە کاتێكدایە بڕیار وایە 11ـی 11ـی ئەمساڵ، هەڵبژاردنی پەرلەمانی عێراق بەڕێوەبچێت، پەرلەمانەکە لە 329 کورسی پێکدێت، کە 320 کورسیان گشتین و 9 کورسیەکەی تریش تایبەتن بە کۆتاکان.

کوژراوەکە کاندیدی یەکێکە لە هێزە سونییەکان و ژمارەیەک لە میدیاکانیش بڵاویان کردوەتەوە، سەفا مەشهەدانی داوای هەڵوەشاندنەوەی حەشدی شەعبی کردوە لە رابردودا.

هاوپەیمانی سیادە گەورەترین هاوپەیمانی سیاسی سوننە لە عێراق، لە دوای هەڵبژاردنی پەرلەمانی 2021 سەریهەڵدا و لە لە ساڵی 2022  بە سەرکردایەتی خامیس ئەلخەنجەر بە فەرمی دامەزراو هاوپەیمانییەکە خاوەنی 63 کورسی ئەنجومەنی نوێنەرانی عێراقە و یەکێکە لە کاریگەرترین هێزەکانی پەرلەمانی لە گۆڕەپانی سیاسی عێراقدا.