نرخی کانزا زەردەکە نرخەکەی بەردەوامە لە بەرزبونەوە و لەگەڵ کردنەوەی بازاڕدا، ریکۆردێکی دیکەی مێژوی تۆمار کرد و  ریکۆردەکەی پێشوی خۆی شکاند و یەک ئۆنسەی بە چوار هەزار و 200 دۆلار مامەڵەی پێوەدەکرێت.

ئابوری:KNNC

ئەمڕۆ چوارشەممە، لەگەڵ کردنەوەی بازاڕە داراییەکانی ئاسیا و جیهاندا، نرخی زێڕ لە بازاڕەکاندا بەرزبونەوەیەکی دیکەی مێژویی تۆمارکرد، بۆ یەکەمجار لە مێژودا، ئۆنسەیەک زێڕ بە 4.200 دۆلار مامەڵەی پێوەدەکرێت.


ئەم نرخەی زێڕ لە کاتێکدایە بەردەوام کانزا زەردەکە  ڕوی لەبەرزبونەوەیە و لە کەمتر لە شەش مانگدا بەهای یەک ئۆنەسە زیاتر لە 800 دۆلاری چوەتە سەر.


دابەزینی بەهای دۆلار و پەرەسەندنی گرژییە ئابورییەکانی نێوان ئەمەریکا و چین، شەڕی وڵاتان و خواستی زۆری روسیا و چین بۆ کرینی کانزا زەردەکە، لە هۆکارە سەرەکییەکانی بەرزبونەوەی نرخی زێڕن لە جیهاندا.