ماریا کۆرینا، ژنە سەرکردەی ئۆپۆزسیۆنی ڤەنزوێلا خەڵاتی نۆبڵی ئاشتی بەدەستهێنا.
ئەمڕۆ هەینی لیژنەی نۆبڵی نەرویج براوەی خەڵاتی نۆبڵی ئاشتی ساڵی ٢٠٢٥ی ڕاگەیاند و خەڵاتەکەی بەخشییە ماریا کۆرینا ماچادۆ سەرۆکی ئۆپۆزسیۆنی ڤەنزوێلا.
ساڵی ڕابردوو ڕێکخراوی ئاشتیی ژاپۆنی نیهۆن هیدانکیۆ خەڵاتەکەی وەرگرت بەهۆی هەوڵەکانی بۆ پێشخستنی جیهانێکی دوور لە چەکی ئەتۆمی، ئەمەش بە پشتبەستن بە شایەتحاڵی ڕزگاربووانی بۆردومانی ئەتۆمی هێرۆشیما و ناگازاکی.
هەموو خەڵاتەکانی تری نۆبڵ بە شێوەیەکی نەریتی لە ستۆکهۆڵم دەبەخشرێن، لە کاتێکدا خەڵاتی ئاشتی لە ئۆسلۆ بە شێوەیەکی ناوازە پێشکەش دەکرێت.
هەر خەڵاتێک بەهای ١١ ملیۆن کرۆنی سویدییە کە دەکاتە یەک ملیۆن و ١٠٠ هەزار دۆلار.
64 جار خوێندراوەتەوە