ئەکادیمیای سویدی خەڵاتی نۆبڵی ئەدەبی ساڵی 2025ی بەخشییە نووسەری هەنگاری لاسلۆ کراسنێهۆرکای " لەپای کارە ئەدەبییە سەرنجڕاکێش و دیدە قوڵەكانیەوە ، کە لەنێو سامناكی  و ئاماژەی كۆتایی هاتنی جیهاندا هێزی هونەر دوپاتدەکاتەوە".

هەواڵ:KNNC  

ئەکادیمیای سویدی، نووسەری هەنگاری لاسلۆ کراسنێهۆرکای بە "نووسەری داستانی گەورەی نێو  نەرێتی ئەوروپای ناوەڕاستی وەسفكردوە، کە لە کافکاوە تا تۆماس بێرنارد درێژدەبێتەوە، كە خۆی لە بێواتایی و  و زیادەڕەوی کۆمیدیدا دەبینێتەوە.

کراسنێهۆرکای لە ساڵی 1954لە شارۆچکە بچووکەکەی گیولا لە باشووری ڕۆژهەڵاتی هەنگاریا لە نزیک سنووری ڕۆمانیا لەدایکبووە. لە خێزانێکی جوولەکە چینی مامناوەنددا گەورە بووە و ئیلهامێکی زۆری لە ئەزموونەکانی ژێر دەسەڵاتی کۆمۆنیست و گەشتەکانی وەرگرتووە دوای ئەوەی بۆ یەکەمجار لە ساڵی 1986 هەنگاریای بەجێهێشتووە و ڕووی لە بەرلینی ڕۆژئاوا کردووە.

پێشتریش لە ساڵی 2015 دا خەڵاتی نێودەوڵەتی مان بووکەری بەدەستهێنا بەهۆی ڕۆمانی (ميلانخوليای بەرخۆدان)،  ئەم نوسەرە بە شێوازە ناوازەکەی ناسراوە، کە بە ڕستەی درێژ و ئاڵۆز و کەشێکی خەمناک و فەلسەفی دەناسرێتەوە و زۆرجار بەرهەمەکانی بەدواداچوون بۆ پرسەكانی بوونگەرایی وەک ئاژاوە، داڕمان و بێمانایی دەکەن.

یەکەم ڕۆمانی  لاسلۆ کراسنێهۆرکای بە ناوی ساتانتانگۆ، بوو  كە رووداوەكانی  لە ناوچەیەکی گوندنشینی دورە دەست روودەدەن.