دۆناڵد ترەمپ، سەرۆکی ویلایەتە یەکگرتوەکانی ئەمەریکا ڕایگەیاند، سەردانی میسر دەکات بۆ بەشداریکردن لە مەراسیمی واژۆکردنی ڕێککەوتنی ئاگربەست لە کەرتی غەززە.

هەواڵ:KNNC

ترەمپ لە واشنتۆن بە ڕۆژنامەنووسانی ڕاگەیاند: "کۆتایمان بە جەنگی غەززە هێناوەو هەوڵدەدەین ڕۆژی دووشەممە یان سێشەممە بارمتەکان وەربگرینەوە و ئەوەش ڕۆژێکی خۆش دەبێت".

ئەوەشی دوپاتكردەوە كە بە هاوکاری چەند وڵاتێک سەرپەرشتی ئاوەدانکردنەوەی کەرتی غەززە دەکەن و وتیشی هەموو ڕۆژهەڵاتی ناوەڕاست پشتیوانی لە ئاگربەستی غەززە و پلانەکانی  لەبارەی  غەززە دەکەن.

لەبارەی ئێرانیشەوە ترەمی  رایگەیاند؛ تاران دەیەوێت کار بۆ ئاشتی بکات، ئەوانیش بۆ ئەو مەبەستە هاوکار و پشتیوان دەبن و جەختیشیكردەوە پەلاماردانی ئێران بۆ گەیشتن بەرێككەوتن و ئاگر بەست لەغەززە كارێكی گرنگ بوو.