سەرۆکى یەكێـتی جیهانی زانایانی مسوڵمانان پەیامێكی ئاراستەی سەركردایەتی هەسەدەو سەرۆكی كاتیی سوریا كردو داوایان لێدەكان رێككەوتنی نێوانیان جێبەجێبكەن
هەواڵ: KNN
د. عەلی
قەرەداغی، سەرۆکی یەکێتی جیهانیی زانایانی موسڵمانان لە پەیامێکیدا کە ئاڕاستەی
سەركردایەتی هێزەكانی سوریای دیموكرات و ئەحمەد
شەرع سەرۆكی كاتیی سوریای كردوە بەتكاوە داوای لێكردون بڕگەکانی ڕێککەوتنی 10ی
ئازار/2025 بە گیانێکی ئیسلامی و نیشتمانی کە دانایی و بەرپرسیارێتی پێکەوە
کۆبکاتەوە جێبەجێبكەن ، لەپێناو پاراستنی گیانی هاوڵاتیانی مەدەنی و سەلامەتی
پێکهاتەی کۆمەڵایەتی.
لەپەیامەكەیدا
ئاماژە بەوەكراوە گیانی مرۆڤ بەهایەکی پیرۆزە و لەهەمان كاتیشدا داوای ڕاگرتنی خوێنڕشتن و پاراستنی مەدەنییەکان و دوورکەوتنەوە لە
ئاشووب و هەنگاونان بەرەو ئاشتەوایی كردوە
كە ئەوەش کە ئاسایش دەگەڕێنێتەوە و ڕێگای
توندوتیژی دادەخات، چونکە نیشتمان ئەمانەتە لە گەردنی هەمووان، بەڵکو ئەرکی
سەرشانی گشت لایەكە کە بەشدار بن لە پێشخستنی سوریا و ڕاوەستانەوە لە دژی
پیلانەکانی دوژمنان.
1705 جار خوێندراوەتەوە