کەسێک لە کەرکوک بە تۆمەتی هەڕەشە وگێچەڵ لە کاندیدێکی هەڵبژاردنی پەرلەمانی عێراق دەستگیرکرا،  تۆمەتبارەکە داوای 50 ملیۆن دیناری لە کاندیدەکە کردوە.

هەواڵ: KNN

سەرچاوەیەکی ئەمنی لە پارێزگای کەرکوک ئەمڕۆ هەینی بە ئاژانسێکی عێراقی راگەیاندوە" هەوڵێکی هەڕەشە و گێچەڵکردن بە دژی کاندیدێک لە هەڵبژاردنی پەرلەمانی عێراقیان پوچەڵ کردوەتەوە. قوربانییەکە بە ئامانج داوای 50 ملیۆن دیناریان لێکردوە و  بۆ چێشتخانەیەک ڕاکێشراوە.

ئەو سەرچاوەیە وتیشی" هێزە ئەمنییەکان پلانێکی وردیان بۆ بەدواداچون و چاودێریکردنی داواکراوەکە جێبەجێکرد، ئەمەش وایکرد لە کاتی هەوڵی گێچەڵەکە ، تاوانبارەکە بگرن".

ئاماژەی بەوەشکردوە" تۆمەتبارەکە بەپێی ڕێکارە یاساییەکان دەستگیرکراوە و ڕەوانەی دەسەڵاتی دادوەری تایبەتمەند کراوە بۆ ئەوەی ڕێکاری یاسایی بەرامبەر بگرێتەبەر".

ئەو سەرچاوەیە دوپاتی کردەوە کە "هێزە ئەمنییەکان بەردەوامن لە چاودێریکردنی سەرجەم حاڵەتەکانی وەرگرتنی پارە و تاوانی دارایی و ڕێوشوێنی پێویست دەگرنەبەر بۆ پاراستنی هاوڵاتیان و کاندیدە سیاسییەکان لە هەر هەڕەشەیەک یان کارێکی نایاسایی".

ئەو سەرچاوەیە ناوی ئەو کاندیدە یان حزب وقەوارەکەیان کە هەڕەشەیان لێکراوە نەخستوەتەڕو.