کەشناسی هەرێم کەشى پێشبینیکراوى 48 کاتژمێرى داهاتوی بڵاوکردەوە وئاشکرای دەکات کە وێرای نزم بونەوەی پلەکانی گەرما، مەودای بینین کەم دەبێتەوە و خوڵبارینی چڕیش دەستپێدەکات.

هەواڵ: KNN

بە گوێرەی پێشبینییەکانی کەشناسی هەرێم ئەمڕۆ هەینى  19-09-2025 کەش ئاسمان  ساماڵ دەبێت لە ناوچە شاخاوییەکان بەتایبەتی ناوچە سنوریەکانی باکور پەلە هەور دەبێت، لەگەل بەرز بونەوەی تۆز و خۆل لە کاتەکانى نیوەڕۆ بەدواوە چڕیەکەى زیاد دەکات بە تایبەتى سنورى پارێزگاى سلێمانى و کرکوک و ئیدارەى ڕاپەڕین گەرمیان .

ئاماژەی بەوەشداوە کە خێراى با  چالاک دەبێت   ( 25– 35 )کم/ک.  بە تایبەتى لەکاتەکانی ئێوارە خێرایى زیاد دەکات و مەوداى بینین  ( 6–  8  ) کم دەبێت لە کاتەکانى دوای نیوەڕۆ بۆ خوار 6 کم دادەبەزێت بە تایبەتى لە کاتى بونى تۆزو خۆڵ لەهەندی ناوچەکانی باشوری هەرێم کەمتر دەبیت لە 1 کم.

کەشناسی جەختیش لەوە دەکاتەوە کە پلەکانی گەرما نزم دەبێتەوە بە ڕێژەى (2- 4 )  پلەى سیلیزى بەراوورد بە تۆمارکراوەکانی دوێنێ .

سەبارەت بە کەشوهەوای سبەی شەممە دەڵێت" کەشی ئاسمان  ساماڵ دەبێت لەگەل بەردەوامى  بەرز بونەوەی تۆز و خۆل تاکو کاتەکانی نیوەڕۆ پاشان کەشەکە سەقامگیر دەبێت و پلەکانی گەرما  نزم دەبنەوە  بەنزیکەی  (2- 3)  پلە لەزۆربەی ناوچەکان بەراورد بە تۆمارەکراوەکانی ئەمڕۆ.

هەولێر :  34 پلەی سیلیزی 

سلێمانی : 34 پلەی سیلیزی

دهۆک :  34  پلەی سیلیزی

ئامێدی : 29 پلەی سیلیزی

ئاکرێ : 33 پلەی سیلیزی

کەرکوک : 35 پلەی سیلیزی 

زاخۆ  :  35 پلەی سیلیزی

هەڵەبجە : 35 پلەی سیلیزی

سۆران : 31 پلەی سیلیزی

حاجی ئۆمەران : 21 پلەی سیلیزی

گەرمیان: 37 پلەی سیلیزی