سەرچاوەیەكی ئاگادار بەماڵپەڕی مستەقیلەی
عێراقی راگەیاندووە؛ لەماوەكانی داهاتودا حكومەتی ئەمریكا سزای نوێ بەسەر عێراقدا
دەسەپێنێت.
هەواڵ: KNN
بەپێی ئەو سەرچاوەیە لەئێستادا واشنتۆن چاوی
لەسەر گروپە چەكدارەكانی نزیك بەئێرانە و لەوبڕوایەجایە كە مایەی هەڕەشەن بۆ سەر
ئارامی و سەقامگیری ناوچەكە.
جەختیش لەوەكراوەتەوە كە سزا نوێكان جگە لەو
گروپاتە چەند لایەنێكی حكومەتی عێراقییش دەگرێتەوە بۆ ئەوەی بەغداد ناچار بكرێت
سەرلەنوێ كارە سیاسی و ئەمنییە لەپێشینەكانی خۆی ڕێكبخاتەوە.
سەپاندی سزای نوێی ئەمریكا بەسەر عێراقدا لەكاتێكدایە دوێنێش چوار گروپی شیعە كە نزیك بەئێرانن لەلایەن ئەمریكاوە خرانە لیستی رەشی تیرۆرەوە كە ئەوانیش هەریەك لە ( بزوتنەوەی نوجەبا بەسەرۆكایەتی ئەكرەم كەعبی- كەتیبەكانی سەیدی شوهەدا بەسەرۆكایەتی ئەبو ئالای وەلائی- بزوتنەوەی ئەنساروڵای ئەوفیا بەسەرۆكایەتی حەیدەر شەعدی - كەتیبەكانی ئیمام عەلی بەسەرۆكایەتی شبل زەیدی).
202 جار خوێندراوەتەوە