شرۆڤەكارێكی سەر بەگروپە شیعەكان و حەشدی شەعبی دەڵێت ؛ لەئەگەری
پەلاماردانی عیراق لەلایەن ئیسرائیلەوە گروپە چەكدارەكان روو لەئێران دەكەن.
هەواڵ:KNNC
كامل كنانی لەدیدارێكی تەلەفیزیۆنیدا ئاشكرایكرد؛ لەئەگەری
پەلاماردانی عیراق لەلایەن ئیسرائیلەوە ئەوا گروپە چەكدارەكان بەهەماهەنگی لەگەڵ
ئێران دامەزراندنی دەوڵەتی ئیسلامیی لەعیراق رادەگەیەنرێت و دواتر سەردەمی
ئیمپراتۆریەتی شیعی دەستپێدەكات كە خەون و هیوای شیعەیە.
كامل كنانی كە پێشتر بەرێوەبەری كەناڵی عالمی ئێرانی بوە لەبەغداد جەختی لەوەكردوەتەوە كە
پێكهاتەكانی تری عیراق هاوبەش و برایان دەبن لەنێو ئەو ئیمپراتۆریەداو ئەوانەش كە
لەگەڵ بیانی هاوپەیمانیی ببەستن بەكرێگیراون.
پێشتریش سەلام عادل راوێژكاری سودانی رایگەیاندبوو : هەر هەوڵێك بۆ
لەباربردنی سیستمی سیاسی لەعێراق بدرێت ئەوا حەشدی شەعبی و سوپای پاسداران
كۆنترۆڵی 11 پارێزگای عێراق دەكەن و بەفەرمیش ئاڵای ئێران لەو پارێزگایانە بەرز
دەكرێتەوە.
865 جار خوێندراوەتەوە