لەگەڵ زیادبونی ململانێکانیان و زیادبونی ڕاپۆرتەکانی سیخوڕیکردنی هاوڵاتیانی چینی لە ناوچە جیاوازەکانی ئەمەریکا، ئاژانسی هەواڵی فرانس پرێس بڵاویکردەوە کە ناسا کارکردنی هاوڵاتیانی چینی لە بەرنامەی بۆشایی ئاسمانی خۆیدا قەدەغە کردوە و لە نوێترین هەنگاویشدا هاوڵاتییەکی چینی دورخستوەتەوە.

هەواڵ:KNNC

دوای پێشکەوتنە بەرچاوەکانی پەکین لە بواری بۆشای ئاسمان و تەکنەلۆژیا، واشنتۆن نیگەرانییەکانی زیاتر بوە و  ڕێوشوێنی زیاتر دەگرێتەبەر، ئەمەش دوای زیادبونی راپۆرتەکانی ستخوری هاوڵاتییانی چینی لە ئەمەریکادا.

ڕۆژی چوارشەممە، بێثانی ستیڤنز، وتەبێژی ناسا ڕایگەیاند، ئاژانسەکە "رێوشوێنی ناوخۆیی" سەبارەت بە هاوڵاتیانی چینی گرتوەتەبەر و ئاماژەی بەوەشکرد رێوشوێنەکە بریتییە لە "سنوردارکردنی دەستڕاگەیشتن بە ئاسایشی فیزیکی و ئەلیکترۆنی بۆ دامەزراوە و کەرەستە و تۆڕەکەمان بۆ دڵنیاوون لە ئاسایشی کارەکانمان".

هەرچەندە دەزگای بۆشایی ئاسمان بە شێوەیەکی ئاسایی دامەزراندنی هاوڵاتیانی چینی سنوردار کردوە، بەڵام ئەوانەی ڤیزەی ئەمریکایان هەیە و پەیوەندییان بە دامەزراوە حکومییەکانی چین یان کۆمپانیا دەوڵەتییەکانەوە نییە، توانیویانە وەک بەڵێندەر و خوێندکاری دەرچوی زانکۆ، یان زانای بەشداری بکەن.

وتەبێژی ناسا بە ئاژانسی فرانس پرێسی ڕاگەیاند، بڕیاری ناوخۆی ناسا بۆ قەدەغەکردنی هاوڵاتیانی چینی بریتییە لە دەستگەیشتن بە دامەزراوە و کەرەستە و تۆڕەکانمان بە ئاسایشی فیزیکی و ئەلیکترۆنی. جەختیشی لەوە کردەوە کە ئەم کارە بۆ دەستەبەرکردنی ئاسایشی ناسا دەگیرێتەبەر.

ململانێکانی نێوان  چین و ئەمەریکا رۆژ لە دوای رۆژ رو لە زیادبونە و پەکین لە ئێستادا بەرنامەیەکی فراوان و خێرای بۆشایی ئاسمان پەیڕەو دەکات و شارەزایان  پێیان وایە شەڕەکانی داهاتو لە بۆشایی ئاسمان ئەنجام دەدرێن.