بەڕێوەبەرایەتی پۆلیسی پارێزگای هەڵەبجە، بڵاویکردوەتەوە، توانیویانە سێ هاوڵاتی عەرەب دەستگیر بکەن، کە تۆمەتبارن بە دزینی پارەی سندوقی مزگەوت لە پارێزگای هەڵەبجە و بردنی پارەی ناو سندوقی هاوکاری بۆنەخۆشخانەی هیوا

هەواڵ:KNNC

ئەمڕۆ دوشەممە، بەڕێوەبەرایەتی پۆلیسی پارێزگای هەڵەبجە بڵاویکردوەتەوە بەهەماهەنگی لەگەڵ بەڕێوەبەرایەتی ئاسایشی شارەزور توانرا سێ  کەس بە تۆمەتی دزیکردن لەناو پارێزگای هەڵەبجە دەستگیر بکەن.

ئاماژەیان بەوەشکردوە، تۆمەتبارەکان لە رەگەزی نێرن و بە ڕەچەڵەک عەرەبن و تەمەنیان لە ةیوان (14 بۆ 17 )ساڵدایە .

لە بڵاوکراوەکەی پۆلیسداهاتوە؛ تۆمەتبارەکان جگە لە بردنی پارەی سندوقی مزگەوت، پارەی ناو سندوقی هاوکاری بۆنەخۆشخانەی هیواشیان بردوە.

پۆلیسی هەڵەبجە ئەوەشیان خستوتەڕو، کە تاوانبارەکان دانیان بە تاوانەکانیاندا ناوە  و  لێکۆڵینەوە لەگەڵیاندا بەردەوامە.