مایكڵ ڕۆبن نوسەر و توێژەری ئەمریکی لەدیدارێكی تەلەفیزیۆنیدا رایگەیاند؛ بەدوری نازانێت لەلایەن ئیسرائیلەوە كوڕەكەی رابەری باڵای ئێران بەئامانج بگیرێت.

هەواڵ: KNNC

 لەو دیدارەیدا كە لەگەڵ كەناڵێكی تەلەفزیۆنی عێراقی ئەنجامیداوە؛ مایكڵ ڕۆبن باس لەوە دەكات هیچ هێڵێكی سور لەنێوان ئێران و ئیسرائیلدا نەماوەو هەركاتێك تەلەئەبیب بیەوێت گورزی سەربازی لە تاران دەوەشێنێت.

ئاماژەی بەوەشكردوە ؛ تا ئەو كاتەی سوریا بەلاوازی بمێنێتەوە ئیسرائیل دەتوانێت هێرشی ئاسمانی بكاتە سەر ئێران چونكە  فڕۆكەكانیان بەئاسمانی ئەو وڵاتەدا تێپەڕدەبن و سوتەمەنی وەردەگرن.

 بەوتەی ئەو توێژە ئەمریكیە ؛ رەنگە ئیسرائیل موجتەبای كوڕی خامەنەئی كە ئاگاداری وردەكارییەكانی نوسینگەكەی باوكیەتی بە ئامانج بگرێت ؛ وەك رۆبن دەڵێت من حسابی نەمان بۆ موجتەبا دەكەم.