نێردەی ئەمەریکا بۆ کاروباری سوریا رایگەیاند، رەنگە پەیوەندیکردن و نزیکبونەوەی ئەحمەد شەرع لەگەڵ رۆژئاوا ببێتە هۆی تیرۆرکردنی، دەشڵێت: بۆ رێگریکردن لەو روداوە دەبێت سیستمێکی پاراستن لەدەوریدا دروست بکرێت.

هەواڵ:KNNC

تۆم باراک، لە لێدوانێکی رۆژنامەوانیدا رایگەیاند، هەوڵەکانی ئەحمەد شەرع، سەرۆکی سوریا بۆ پێشختنی حوکمڕانی و پەیوەندیکردن و نزیکبونەوە لە رۆژئاوا، رەنگە ببێتە هۆی تاوانبارکردنی لەلایەن توندڕەوانی ناڕازییەوە.

ئاماژەی بەوەشکرد، پێویستە بۆ رێگریکردن لەو روداوە، سیستمێكی پاراستن لە دەوری ئەحمەد شەرع دروست بکەن، چونکە بەرژەوەندییەکانی ئەمەریکا و سەرۆکی کاتیی سوریا هاوشێوەن، وتیشی بۆ دانانی ئەو سیستمە پێویستیان بە هاوکارییەکی نزیك و هاوبەشی هەواڵگریی هەیە.

تۆم باراك باسی لەوەشکردوە، لە ئێستادا زنجیرەیەك ئاڵنگاریی لەبەردەم سەرۆککۆماری کاتیی سوریادا هەن، لەوانەش یەكخستنی هێزە کوردییەکان لەگەڵ سوپای سوریا و یەكخستنی یەکەی شەڕکەری بیانی و چارەسەرکردنی کەمپەکان لە باکوری سوریا.