سەرۆکی ویلایەتە یەکگرتوەکانی ئەمەریکا دەڵێت: پاسەوانی نیشتیمانی و هێزە دەریاییەكانی وڵاتەكەی نەبونایە شارەكە دەبو بە گۆڕەپانی تاوانكاری و حاكمی ویلایەتی کالیفۆرنیاش بەبێ دەسەڵات تۆمەتبار دەكات.


هەواڵ: (KNNC)


دۆناڵد ترەمپ، سەرۆكی ویلایەتە یەكگرتوەكانی ئەمەریكا لە پلاتفۆرمی تۆڕی کۆمەڵایەتی تروس سۆشیاڵدا بڵاویكردوەتەوە؛ بەیارمەتی پاسەوانی نیشتیمانی و هاوكاری هێزە دەریاییەكانی وڵاتەكەی، لە دو شەوی رابردودا لۆس ئەنجلۆس سەلامەت و پارێزراو بوە، كە كارێكی زۆر باشیان ئەنجامداوە، ئەگەر هێزەكان نەبونایە شارەكە دەبو بە گۆڕەپانی تاوانكاری.


وتوشیەتی: بەڕاستی هەمویان بینییان كە غافین نیۆسۆم، حاكمی ویلایەتی كالیفۆڕنیا بەرامبەر بە كۆنترۆڵكردنی خۆپیشاندانەكان و كۆتایی هێنان بە ئەو دۆخە نەخوازراوە بێ دەسەڵات بو.


بەمەبەستی كۆتایی هێنان بەپێکدادانەكان لە نێوان هێزەکانی جێبەجێکردنی یاسا و خۆپیشاندەران دژی سیاسەتی کۆچبەری ترەمپ، رۆژی یەکشەممەی رابردو دو هەزار ئەندامی پاسەوانی نیشتمانی لە لۆس ئەنجلۆس رەوانەی شاری لۆس ئەنجلۆس کران.