دانوستانی كۆتایی هێنان بەجەنگ لەنێوان روسیا و ئۆكرانیا لە توركیا كۆتایی
هات و لەسەر ئازاد كردنی هەزار دیل رێككەوتن.
هەواڵ: (KNNC)
ئاژانسی هەواڵی رۆیتەرز بڵاویكردەوە؛ دوای كاتژمێرێك و (40) خولەك دانوستانی
نێوان روسیا و ئۆكرانیا لە ئیستەنبوڵی توركیا كۆتایی هات كە تیایدا گفتوۆیان لەسەر
كۆتایی هێنان بەجەنگ و كۆبونەوەی نێوان ڤلادێمیر پۆتین، سەرۆكی روسیا و ڤۆلۆدیمیر
زێلێنسكی، سەرۆكی ئۆكراینا كردوە.
میدیاكانی جیهان ئاژەیان بۆ ئەوەكردوە، شاندی دانوستكاری مۆسكۆ و كیێڤ
بڕیاریان داوە كە ئاڵوگۆڕ بە هەزار دیل لەنێوان هەردو وڵاتدا بكەن.
هاوكات، لەدوای كۆتایی هاتنی كۆبونەوەكەی توركیا، وەگوێرەی وتەبێژی سەرۆکی
ئۆکرانیا، رایگەیاند: لەپەیوەندییەكی تەلەفۆنیدا سەرۆكی وڵاتانی ئۆکرانیا، فەرەنسا،
ئەڵمانیا، بەریتانیا و پۆڵەندا لەگەڵ دۆناڵد ترەمپ، سەرۆکی ئەمەریکا قسەیان كردوە.
لای خۆشیەوە، سەرۆكی ئۆكرانیا جەختیكردوەتەوە، لەپێناو بەدیهێنانی ئاشتی، وڵاتەكەی
ئامادەیە رێكاری خێراتر بگرێتەبەر.
455 جار خوێندراوەتەوە