ئەمریکا هێرشەکانی بۆ سەر حوسیەکان چڕ کردوەتەوە لە ماوەی سی کاتژمێردا نزیکەی 40 هێرشی ئەنجامدا، نەتەوەیەکگرتوەکانیش نیگەرانی خۆی لە بەرامبەر ئەو هێرشانە دەربڕی.

هەواڵ:KNNC

فڕۆکە جەنگیەکانی ئەمریکا شەوی ڕابردو لەماوەی سێ کاتژمێردا 38 جار پارێزگاکانی سەنعا، حودەیدە، مەریب و ئامرانیان لە یەمەن بۆردومان کرد.

سەرچاوە هەواڵییەکانی نزیک لە حوسییەکانی یەمەن بڵاویانکردوەتەوە، لە ئەنجامی هێرشە ئاسمانیەکانی ڕۆژانی ڕابردوی ئەمریکاش بۆ سەر وڵاتەکەیان 80 کەس کوژراون و 150 کەسی دیکەش بریندار بون.

ستیڤان دوجاریک، وتەبێژی سکرتێری گشتیی نەتەوە یەکگرتوەکانیش لەو بارەیەوە نیگەرانی لە بەرامبەر هێرشەکانی ئەمریکا بۆ سەر بەندەری رەئس عیسا دەربڕی کە چەندین قوربانی سڤیلی لێکەوتوەتەوە و لە نێویاندا پێنج کارمەندی بواری مرۆیی بریندار بون.

وتەبیژی سکرتێری گشتی نەتەوەیەکگرتوەکان دوپاتیشی کردەوە، پێویستە حوسیەکان دەستبەجێ کۆتایی بە هێرشە موشەکیەکانیان بۆ سەر ئیسرائیل و کەشتیەکان لە دەریای سور بهێنن.