عەباس عێراقچی، وەزیری دەرەوەی ئێران، ڕەخنەی توند لە سەپاندنی سزای نوێی ئەمریکا بەسەر وڵاتەکەیدا دەگرێت و رایدەگەیەنێت؛ دوای ئەوەی واشنتۆن نەیتوانی لەرێگەی سزا و جەنگەوە ئامانجەکانی بپێکێت، بڕیاری لە سەپاندنی سزای زیاتر داوە.

عێراقچی لە هەژماری تایبەتی خۆی لە تۆڕی کۆمەڵایەتیی (ئێکس) نووسیویەتی: "دوای 47 ساڵ لە سەپاندنی سزا، ئەمریکا بە وەکالەت لە جیاتی ئیسرائیل چووەتە ناو جەنگ لەگەڵ ئێراندا، ئەو جەنگەش لێکەوتەی کارەساتاوی بۆ ئەمریکا هەبووە، بەتایبەت لەسەر پێگە و متمانەی ئەو وڵاتە لە جیهاندا".

وەزیری دەرەوەی ئێران بە تەنزەوە ئاماژەی بە هەنگاوە نوێیەکانی واشنتۆن کردووە و دەڵێت: "دوای ئەوەی واشنتۆن نەیتوانی لە ڕێگەی سزا یان جەنگەوە ئامانجەکانی بپێکێت، چارەسەرە داهێنەرانەکەی ئەوەیە سزای زیاتر بدات! ئەوە بە جددیتانە؟!".