ترەمپ ئاژانسی ئه‌مەریكای بۆ گه‌شه‌پێدانی نێوده‌وڵه‌تی داخست

KNN : Kurdish News Network
07:10 - 03/02/2025
جیهان
+
-

له‌ چوارچێوه‌ی هه‌وڵه‌كانی سەرۆكی ئەمەریكا بۆ كەمكردنەوەی خه‌رجییه‌كانی حكومه‌ت، تره‌مپ ره‌زامه‌ندی له‌سه‌ر داخستنی ئاژانسی ئه‌مەریكای بۆ گه‌شه‌پێدانی نێوده‌وڵه‌تی ده‌ربڕی.

 

هەواڵ: (KNNC)


ئەمڕۆ دوشەممە، ئیلۆن ماسك رایگەیاند: بەمەبەستی كەمكردنەوەی خەجییەكانی حكومەت، دۆتاڵد ترەمپ، سەرۆكی ئەمەریكا رەوامەندی لەسەر داخستنی ئاژانسی ئه‌مەریكای بۆ گه‌شه‌پێدانی نێوده‌وڵه‌تی ده‌ربڕیوە و ئیدارەی كۆشكی سپی فەرمانبەرانی  (USAID) ئاگاداركردۆته‌وه‌ له‌ ماڵه‌وه‌ بمێننه‌وه‌ و باره‌گای سه‌ره‌كی ئاژانسه‌كه‌ی له‌ واشنتۆن داخستوە لەگەڵ  لەكارخستنی ماڵپه‌ڕه‌ فەرمییەكەی.

 

ماسك لەڕێگەی تلاتفۆڕمی (X)ـەوە ئەوەیخستوەتەڕو، لەسەر پرسی (USAID) بەوردی له‌گه‌ڵ دۆناڵد تره‌مپ، سەرۆكی ئەمەریكا گفتوگۆی كردوە و دڵنیا بوەتەوە كە ترەمپ كۆمپانیاكە دادەخات.

 

‌دامەزاراوەكە، ساڵانه‌ ملیاره‌ها دۆلار له‌ سه‌رانسه‌ری جیهاندا دابه‌ش ده‌كات، ئه‌مه‌ش له‌ هه‌وڵێكدا بۆ كه‌مكردنه‌وه‌ی هه‌ژاری و چاره‌سه‌ركردنی نه‌خۆشی و وه‌ڵامدانه‌وه‌ی برسێتی و كاره‌ساتی سروشتی.

 

(USAID) لە ساڵی (1961) بە یاسای پێشكەش كردنی هاوکاری دەرەکی کە لەلایەن سەرۆک جۆن کەنەدییەوە واژۆكراوە، دامەزراوە، كە دەزگایەکی سەربەخۆیە و بەرپرسە لە پیشكەش كردنی هاوکارییە و گەشەپێدانە دەرەكییەكان، هەروەها دامەزراوەكە سەرپەرشتی ئەو بەرنامانە دەکات کە ئامانجیان پێشخستنی گەشەپێدانی ئابوری و سەقامگیری جیهانییە و لەلایەن کۆنگرێسەوە پەسەند دەکرێن.

185 جار خوێندراوەتەوە