هەسەدە رایدەگەیەنێت: هێرشی گروپە چەکدارەکان بە فەرمانی راستەوخۆی تورکیا بۆ دابەشکردنی سوریا دەکرێت.

هەواڵ:KNNC

هێزەکانی سوریای دیموکرات(هەسەدە) راگەیەنراوێکی لەبارەی دۆخی سوریا بڵاوکردوە و رایگەیاند، هێرشی گروپە چەکدارەکان راستەوخۆ بە فەرمانی تورکیا ئەنجامدراوە، بۆ پارچەکردنی خاکی سوریا و کۆمەڵکوژکردنی کوردانی ناوچەکانی تل رەفعەت، شەهبا، حەلەب.

راشیدەگەیەنێت: هێزەکانیان شەڕ دەکەن، چونکە ئەوە شەڕی مرۆڤایەتی و شەرەفە، بەهەمو هێزێکیانەوە بەرگری لە خاک و گەل دەکەن.

هەسەدە، داواش لە هەموان دەکات بچنە ریزەکانیانەوە شەڕ بکەن بۆ پاراستنی خاکەکەیان، جەختیشدەکاتەوە سەرکەتنیان لەو شەڕە مسۆگەرکردنی پێکەوەژیانێکی ئاشتیانە و دیموکراسیانەیە.