سەرەڕای راگەیاندنی ئاگربەست لە لوبنان سوپای ئیسرائیل رایگەیاند، ‌هێرشیان کردوەتە سەر چەند پێگەیەکی حیزبوڵا لە باشوری ئەو وڵاتە. 

هەواڵ:KNNC

سوپای ئیسرائیل رایگەیاند، هێرشیان کردوەتە سەر چەند دامەزراوەیەک لە باشوری لوبنان کە حیزبوڵا وەک کۆگای موشەک بەکاری دەهێنێت، لەو ناوچانەی لوبنانیش کە دەستی بەسەرداگرتوە قەدەغەی هاتوچۆی راگەیاند.

لە بارەی هێرشەکەی ئیسرائیلەوە نازیح عید، سەرۆکی شارەوانی بەیسەریە لە باشوری لوبنان رایگەیاند، فڕۆکەیەکی جەنگی هێرشی کردوەتە سەر رۆژهەڵاتی شارۆچکەکەیان کە ناوچەیەکی دارستانە و  خەڵکی سڤیل ناتوانێت لێی نزیک ببێتەوە.

هەرچەندە جۆ بایدن، سەرۆکی ئەمریکا، لە 27ی ئەم مانگە ئاگربەستی بۆ ماوەی 60 ڕۆژ لە نێوان حیزبوڵای لوبنان و سوپای ئیسرائیل ڕاگەیاند، بەڵام تا ئێستا بە تەواوی ئاگربەستەکە جێبەجی نەکراوە.