​لەسەر دۆسیەى ئافرەتانى ئێزدى...سزای لە سێدارەدان بەسەر هاوسەری ئەبوبەکر بەغدادى سەپێنرا

KNN : Kurdish News Network
11:26 - 10/07/2024
عێراق
+
-

بەهۆی رفاندن و دەستگیرکردنی ئافرەتانی ئێزدی، سزای لە سێدارەدان بەسەر هاوسەری ئەبوبەکر بەغدادى، خەلیفەی کوژراوی چەکدارانی داعشدا سەپێنرا. 

 

هەواڵ:KNNC


دادگای تاوانەکانی کەرخ سزای لە سێدارەدانی بەسەر هاوسەرێکی ئەبو بەکری بەغدادی سەپاند کە تاوانباری کردوە بە هاوکاری کردنی چەکدارانی داعش و دەستگیر کردنی ئافرەتانی ئێزدی.

 

هاوسەرەکەی ئەبوبەکر بەغدادی بە تۆمەتی ئەوەی هاوکاری چەکدارای داعشی کردوە لە رفاندنی کچانی ئێزدی لە شنگال و پاشان دەست بەسەرکردنیان لە ناو ماڵەکەی خۆیدا ئەو سزایەى بەسەردا سەپێنراوە.

 

بڕیارەکەی دادگا کەرخ پشتبەستو بوە بە یاسای روبەڕوبونەی تیرۆری ساڵی 2005  و چەكدارانی داعش زیاتر لە شەش هەزار و  417 كەسییان لە ئێزدییەكان رفاندوە كە سێ هەزار و 548  یان كچ و ژن بون.

 

هەر بە پێی ئامارەكە تا ئێستا زیاتر لە 71 گۆڕی بە كۆمەڵی ئێزدییەكان كە لەلایەن داعشەوە كۆمەڵكوژ كراون دۆزراونەتەوە و ژمارەیەکی زۆری دیکەس بێسەروشوێنن.

308 جار خوێندراوەتەوە