دادگای باڵای فیدڕالی عێراق بڕیارێکی وەزیری نەوتی عێراقی سەبارەت بە دامەزراندنی کۆمپانییەکی نەوتی هەڵوەشاندەوە.

ئەمڕۆ چوارشەممە دادگای فیدراڵی بڕیارێکی سەبارەت بە هەنگاوەکانی دامەزراندنی کۆمپانیای نەوتی نیشتمانی دەرکرد.

دادگای باڵای فیدڕالی راگەیەندراوێکی بڵاوکردەوە و تێیدا هاتوە، بڕگەکانی (2) و (3)ی ئەنجومەنی وەزیران لە بڕیاری ژمارە 109ی ساڵی 2020 و بڕیاری 211ی ساڵی 2021 هەڵدەوەشێندرێنەوە کە تایبەتە بە هەنگاوەکانی دامەزراندنی کۆمپانیایەکی نەوتی نیشتیمانی و دانانی ئیحسان عەبدولجەبار، وەکو سەرۆکی ئەو کۆمپانیایە.

لە بەشێکی راگەیەندراوەکەدا هاتوە، کە دادگا رێگایەك و دەروازەیەکی لەو هەنگاوانەدا نادۆزیتەوە بۆ پاراستنی موڵکی گشتی بۆ هەمو رۆڵەکانی گەل لەلایەن ئەو کەسانەی کە بۆ ئەو کارە راسپێردراون و سەرپێچی مادەی (27)ی دەستوریان کردوە لە بەدیهێنانی دادپەروەری کۆمەڵایەتی و نەبونی ئینتیمای نیشتیمانی بۆ دەوڵەت.

لە کۆتاییدا دادگای باڵای فیدڕالی دەڵێت: شکستهێنان لە پاراستنی موڵکی گشتی دەبێتەهۆی داڕمانی وڵات بۆ ئەنجامدانی ئەرکەکانی بەپێی ماددەکانی 29 تا 36ی دەستور.