وەزارەتی خوێندنی باڵا و توێژینەوەی زانستی ئەنجامی وەرگرتنی دەرچووانی پۆلی 12ی ئامادەیی لە زانکۆ و پەیمانگەکان ڕاگەیاند. خوێندکاران دەتوانن لە ڕێگەی وێبسایتی (regayzanko.com) ئەنجامەکانیان وەربگرنەوە.

کۆی گشتیی پلانی وەرگرتن بۆ ئەمساڵ 65 هەزار و 324 کورسی بووە. لە کۆی 39 هەزار و 950 پێشکەشکار، توانراوە 39 هەزار و 52 خوێندکار لە زانکۆ و پەیمانگەکان وەربگیرێن. بەمەش ڕێژەی وەرگرتنی دەرچووانی ساڵی 2026 گەیشتووەتە 99٪. لەم ژمارەیەش 37 هەزار و 966 خوێندکار لە بەشەکانی زانستی و وێژەیین.

سەرەڕای وەرگرتنی ئەم ژمارە زۆرەی خوێندکاران، هێشتا 27 هەزار و 391 کورسیی خوێندن لە زانکۆ و پەیمانگەکان بە بەتاڵی ماونەتەوە. لە هەمان کاتدا، بڕیارە لە چەند ڕۆژی داهاتوودا دەرگای پێشکەشکردن بۆ دوو هەزار و 700 دەرچووی ناوچە کوردستانییەکانی دەرەوەی ئیدارەی هەرێم بکرێتەوە.