نرخی نەوت پێنج دۆلار دابەزی

KNN : Kurdish News Network
04:36 - 15/08/2022
ئابوری

بەهۆی بڵاوکردنەوەی راپۆرتی ئابوریی لەلایەن چینەوە، نرخی بەرمیلێک نەوتی برێنت نزیکەی پێنج دۆلار دابەزی و نەوتی خاوی تەکساسیش بە هەمان شێوە دابەزینی بەرچاوی بەخۆوە بینی.

ئەمڕۆ دوشەممە نرخی نەوتی برێنت بە رێژەی 4.99٪ دۆلار دابەزی و گەیشتە (93.25) دۆلار و نرخی نەوتی خاوی تەکساسیش گەیشتە (78.43) دۆلار.

هۆکارەی دابەزینی نرخی نەوت بۆ بڵاوبونەوەی راپۆرتێکی ئابوری چین دەگەڕێتەوە کە هۆشداری داوە لە ترسی وڵاتەکە بۆ داواکاریی لەسەر نەوت و لەماوەی رابردوشدا ئاستی بەرهەمهێنان بۆ 12.53 ملیۆن بەرمیلی رۆژانە لەو وڵاتە کەمبوەتەوە کە ئەوەش نزمترین ئاستی بەرهەمهێنانی لە مانگی ئاداری ساڵی 2020ەوە.

بەپێی ئامارەکان چین گەورەترین هاوردەکاری نەوتە لە جیهاندا و کەمبونەوەی خواستیش لەسەر نەوت کاریگەری لەسەر دابەزینی نرخەکەی هەبوە.

280 جار خوێندراوەتەوە