سبەینێ ئەم شوێنانە موچە وەردەگرن

KNN : Kurdish News Network
12:44 - 11/06/2022
ئابوری

وەزارەتی دارایی و ئابووری حكومەتی هەرێم لە کۆتایی مانگی رابردو خشتەی دابەشکردنی موچەی ئایاری بڵاوکردەوە و بەپێی خشتەکەش سبەینێ چەند شوێنێك موچە وەردەگرن.

 

بە پێی خشتەكە سبەینێ‌ یەك شەممە موچەی وەزارەتی شەهیدان و ئەنفالكراوان لەگەڵ ‎كەسوكاری شەهیدان و ئەنفالكراوان و ‎زیندانیانی سیاسی دابەش دەكرێت.

 

بەپێی خشتەی بڵاوکراوە، ڕۆژی دوشەممە مووچەی وەزارەتی پەروەردە و سێشەمە مووچەی ئەنجوومەن و دەزگای ئاسایش لەگەڵ وەزارەتی كاروباری كۆمەڵایەتی و خاوەن پێداویستی تایبەت دابەش دەكرێت.

 

ئەوەش لەکاتێکدایە، وەزارەتی دارایی و ئابوری هەرێم رایگەیاندبو، موچەی مانگی ئایاری ئەمساڵ خێراتر دابەش دەکرێت و لە ماوەی (21) رۆژدا سەرجەم وەزارەت و دەستە و شوێنەکان موچە لە کاتی خۆیدا وەردەگرن.

5749 جار خوێندراوەتەوە