بانکی نێودەوڵەتی، لەپێناو ڕوبەڕوبونەوەی کۆرۆنا لە ئێران، رەزامەندیی دا بە پێدانی قەرزێک بە بڕی 90 ملیۆن دۆلار بە حکومەتی تاران.

وتەبێژی بانکی نێودەوڵەتی رایگەیاند: ئەنجوومەنی کارگێڕیی بانکی نێودەوڵەتی، رەزامەندیی داوە بە پێدانی قەرزێک بە ئێران لەپێناو ڕوبەڕوبونەوەی کۆرۆنا.

ئاماژەی بەوەش کرد: بڕی ئەو قەرزە دەدرێتە ئێران، 90 ملیۆن دۆلارە ‌و بڕیاری پێدانی قەرزەکەش دەگەڕێتەوە بۆ رۆژی 21ی مانگی رابردو.

وتەبێژەکەی بانکی نێودەوڵەتی، روونیشی کردوەتەوە: ئەو بڕە پارەیە، ناخەنە سەر هەژماری بانکیی حکومەتی ئێران، بەڵکو دەدرێت بە کەلوپەل ‌و کەرەستەی پزیشکی بۆ ڕوبەڕوبونەوەی کۆرۆنا ‌و وتیشی: پرۆسەکە بە هاوکاریی رێکخراوی تەندروستیی جیهانی دەبێت.

بەپێی ئامارەکان، لە ئێران شەش ملیۆن ‌و 200 هەزار کەس، توشی کۆرۆنا بوون کە نزیکەی 132 هەزاریان بەوهۆیەوە مردون.