سوپا رێگەى نەدا غەنوشى بچێتە پەرلەمانەوە

KNN : Kurdish News Network
11:02 - 26/07/2021
جیهان

دواى ئەوەى سەرۆک کۆمارى تونس بڕیارى هەڵپەساردنى کارەکانى پەرلەمان و حکومەتى وڵاتەکەى راگەیاند، سوپا رێگەى نەدا سەرۆکى پەرلەمان بچێتە بیناى پەرلەمانەوە.

لە نوێترین لێدوانێکى میدیایدا، راشد غەنوشى سەرۆکى پەرلەمانى تونس و سەرۆکى بزوتنەوەى نەهزە رایگەیاند: پەرلەمان کە بەشێوەیەکی دیموکراسیی هەڵبژێردراوە، لەگەڵ حکوومەت هێشتا لەسەر کارن.

هاوکات، راشد غەنوشى و چەند پەرلەمانتارێک گەیشتنە تەلارى پەرلەمان، بەڵام لەلایەن سەربازانى ناو پەرلەمانەوە رێگەیان لێگیرا و رێگەیان نەدرا بچنە پەرلەمانەوە.

ئەوەش لە کاتێکدایە، قەیس سەعید سەرۆک کۆمارى تونس بڕیاریدا بە هەڵپەساردنى کارەکانى پەرلەمان و هەڵگرتنى پارێزبەندى سەر پەرلەمانتاران و لادانى سەرۆکى حکومەت.

 

پێشتریش غەنوشى لە لێدوانێکدا بۆ کەناڵى جەزیرە، ئەو هەنگاوانەى بە کودێتا وێناکردبوو.

 

زانیارى زیاتر لەو بارەیەوە

 

 

144 جار خوێندراوەتەوە